Одесса вилоятининг собиқ губернатори Михаил Саакашвили Киевнинг Октябрь саройи биноси олдидаги тўқнашувлардан сўнг митинг ва маршлар ўтказилиши вақтинча тўхтатилишини билдирди. Бу ҳақда у етакчилик қилаётган «Янги кучлар ҳаракати» партияси сиёсий кенгаши аъзоси Иван Лозовой маълум қилди, дея хабар беради «ТАСС».
«Михаил Саакашвили марш ва митинглар ўтказилишига тўлиқ мораторий эълон қилди. Шу билан бирга, партия ўзининг мухолифат акцияларини ўтказишни тўхтатмайди», — деди Лозовой.
Эслатиб ўтамиз, сарой олдидаги тўқнашувлар оқибатида Миллий гвардиянинг 60 нафар жангчиси жабрланди, улардан 15 нафари касалхонага ётқизилди. Саакашвили тарафдорларининг сарой штурм қилинишига алоқаси йўқлигини маълум қилди.
Изоҳ (0)