Argentina poytaxtida pensiya islohotiga qarshi norozilik aksiyalari davomida kamida 88 nafar politsiyachi jabrlandi. Bu haqda “TASS” xabar bermoqda.
Aksiyalar davomida jami 162 kishi, jumladan, keksa yoshdagilar tibbiy yordam so‘rab murojaat qildi. 60 dan ortiq kishi tartibsizliklardagi ishtiroki uchun qo‘lga olindi.
Namoyishchilar asosan hozirda islohot muhokamasi ketayotgan Argentina Kongressi oldidagi maydonda to‘plandi. Tartibsizliklar ulardan bir guruhi parlamentni qurshab olgan politsiya xodimlariga tosh va butilkalar uloqtirgandan so‘ng boshlandi. Politsiyachilar bunga rezina o‘qlari bilan javob berdi.
Hukumat tomonidan taklif etilgan qonun loyihasi pensiya hisoblash formulasi o‘zgartirilishini taqozo etadi. Muxolifat va kasaba uyushmalari to‘lovlar qaytadan ko‘rib chiqilishi ularning summasi kamayishiga olib keladi, deb hisoblamoqda.
Izoh (0)