Аргентина пойтахтида пенсия ислоҳотига қарши норозилик акциялари давомида камида 88 нафар полициячи жабрланди. Бу ҳақда «ТАСС» хабар бермоқда.
Акциялар давомида жами 162 киши, жумладан, кекса ёшдагилар тиббий ёрдам сўраб мурожаат қилди. 60 дан ортиқ киши тартибсизликлардаги иштироки учун қўлга олинди.
Намойишчилар асосан ҳозирда ислоҳот муҳокамаси кетаётган Аргентина Конгресси олдидаги майдонда тўпланди. Тартибсизликлар улардан бир гуруҳи парламентни қуршаб олган полиция ходимларига тош ва бутилкалар улоқтиргандан сўнг бошланди. Полициячилар бунга резина ўқлари билан жавоб берди.
Ҳукумат томонидан таклиф этилган қонун лойиҳаси пенсия ҳисоблаш формуласи ўзгартирилишини тақозо этади. Мухолифат ва касаба уюшмалари тўловлар қайтадан кўриб чиқилиши уларнинг суммаси камайишига олиб келади, деб ҳисобламоқда.
Изоҳ (0)