Meksikaning Mexiko shtatidagi pirotexnika omboridagi portlash oqibatida to‘rt kishi halok bo‘ldi, deb xabar beradi “RIA Novosti”.
Portlash oqibatida Xilotepekdagi kompleksning olti binosidan to‘rttasi zarar ko‘rgan.
Shuningdek, besh kishi jarohatlangan. Jabrlanuvchilarning hozirgi ahvoli haqida ma’lum qilinmagan.
Portlash sababi hozircha noma’lum. Hodisa joyiga o‘t o‘chiruvchilar yetib kelgan.
Meksikada fojiali oqibatlarga olib keluvchi pirotexnik portlash hodisalari tez-tez kuzatiladi.
2017-yilning mart oyida xavfli mahsulotning portlashidan to‘rt kishi, dekabr oyida esa pirotexnika yarmarkasi portlashi oqibatida 40 kishi halok bo‘lgan edi.
Izoh (0)