AQSh mudofaa vaziri Jeyms Mettis KXDRning qit’alararo ballistik raketalari ayni vaqtda Amerika hududlariga xavf tug‘dirmasligini ma’lum qildi, deb xabar berdi “RIA Novosti”.
“Ayni vaqtda ular biz uchun sezilarli xavf tug‘dirmaydi. Hozircha biz ushbu masala yuzasidan eskpertiza o‘tkizmoqdamiz”, — dedi Mettis jurnalistlar bilan suhbatda.
KXDR so‘nggi yillarda qit’alararo ballistik raketalar va yadroviy kallaklarni yaratish ustida ahamiyatli ishlarni olib bordi. BMTning tobora kuchayib borayotgan sanksiyalari ham Pxenyanning yadro-raketa faoliyatini to‘xtata olmayapti.
13 ming kilometr masofani bosib o‘ta oladi deb hisoblanayotgan “Xvason-15” raketasining so‘nggi sinovi 29-noyabrda o‘tkazilgan edi. Sinovdan so‘ng Pxenyan endi AQShning istalgan hududiga zarba bera olishini ma’lum qildi.
Izoh (0)