Rossiyaning “NTV” telekanalida O‘zbekiston haqida yana bir ko‘rsatuv efirga uzatildi (video)

Rossiyaning “NTV” telekanalida suratga olish jarayonlari O‘zbekistonda kechgan “Pora v otpusk” nomli ko‘rsatuv efirga uzatildi. Ko‘rsatuv O‘zbekiston Respublikasi Turizmni rivojlantirish davlat qo‘mitasi bilan hamkorlikda ishlangan, deb xabar berdi “Kommersant.uz”.

Shou qahramonlari — ayrim sabablarga ko‘ra ta’tilga otlangan oila. Butun ta’til davomida qahramonlarni turli syurprizlar kutib qoladi. Ular ta’tilni qayerda o‘tkazishlari borasida faqatgina aeroportda xabar topadi.

Shunday qilib rossiyalik oila Buxoroda sharq bozori, palov tayyorlashda kerak bo‘ladigan mahsulotlarning siri bilan tanishdi, Xivada esa milliy o‘yinlarda ishtirok etdi. Orol dengizida cho‘mildi, ot va tuyalar ustida sayr qilib, o‘tovlarda tunab ko‘rdi.