Fransiyada yashovchi kamargu zotidagi yarim yovvoyi otlar dunyodagi eng chiroyli hisoblanadi. Yorqin rangli, katta ko‘zli, dengiz qirg‘oqlari bo‘ylab yugurayotgan ushbu otlar har qanday odamda iliqlik uyg‘otishi tabiiy. TravelAsk kamarga zotiga oid otlarning videosi va ajoyib suratlari bilan bo‘lishdi.
Kamargularni O‘rta Yer dengizi qirg‘oqlarida yashagani uchun “dengiz otlari” deb atashadi. Ushbu otlarni va ular bilan birga yashoychi flamingolarni muhofaza qilish maqsadida Kamarg milliy bog‘i tashkil etilgan, bu yerda ular Tur dyu Valat biologik stansiyasining tadqiqotchilari nazorati ostida bo‘ladi. Har yili ularni tomosha qilish va suratga olish maqsadida dunyoning turli burchaklaridan minglab suratkashlar, turistlar va ot ishqibozlari tashrif buyuradi.
Kamargu zotining ajdodlari G‘arbiy Yevropada bundan 50 ming yillar oldin yashagan. Zamonaviy kamargu bilan uning qadimiy ajdodi o‘rtasidagi farq ko‘p emas. Shunga qaramay, ularning qarindoshligi hamon taxminligicha qolmoqda. Ayrim tadqiqotchilar ularni Karfagen va O‘rta Osiyodan kelib chiqqan deb hisoblaydi. Kamargularning shakllanishiga ushbu mahalliy hududlardan odamlar bilan birga Xalqlarning buyuk ko‘chishi vaqtida o‘tgan turli ot zotlari ham ta’sir ko‘rsatgan.
Ushbu zotdagi otlarning ranggi dastlab tug‘ilganida qora-kulrang yoki jigarrang bo‘ladi, keyinchalik esa yorqinlashib boradi. Juda kuchli hisoblanuvchi kamargalar 25 yilgacha umr ko‘radi. Bu yarim yovvoyi hayvonlar uchun ajoyib ko‘rsatkich. Kamargular erkin to‘da shaklida hayot kechiradi, milliy bog‘ hududida ularning 30 ga yaqini mavjud.
Izoh (0)