Францияда яшовчи камаргу зотидаги ярим ёввойи отлар дунёдаги энг чиройли ҳисобланади. Ёрқин рангли, катта кўзли, денгиз қирғоқлари бўйлаб югураётган ушбу отлар ҳар қандай одамда илиқлик уйғотиши табиий. TravelAsk камарга зотига оид отларнинг видеоси ва ажойиб суратлари билан бўлишди.
Камаргуларни Ўрта Ер денгизи қирғоқларида яшагани учун «денгиз отлари» деб аташади. Ушбу отларни ва улар билан бирга яшойчи фламинголарни муҳофаза қилиш мақсадида Камарг миллий боғи ташкил этилган, бу ерда улар Тур дю Валат биологик станциясининг тадқиқотчилари назорати остида бўлади. Ҳар йили уларни томоша қилиш ва суратга олиш мақсадида дунёнинг турли бурчакларидан минглаб сураткашлар, туристлар ва от ишқибозлари ташриф буюради.
Камаргу зотининг аждодлари Ғарбий Европада бундан 50 минг йиллар олдин яшаган. Замонавий камаргу билан унинг қадимий аждоди ўртасидаги фарқ кўп эмас. Шунга қарамай, уларнинг қариндошлиги ҳамон тахминлигича қолмоқда. Айрим тадқиқотчилар уларни Карфаген ва Ўрта Осиёдан келиб чиққан деб ҳисоблайди. Камаргуларнинг шаклланишига ушбу маҳаллий ҳудудлардан одамлар билан бирга Халқларнинг буюк кўчиши вақтида ўтган турли от зотлари ҳам таъсир кўрсатган.
Ушбу зотдаги отларнинг рангги дастлаб туғилганида қора-кулранг ёки жигарранг бўлади, кейинчалик эса ёрқинлашиб боради. Жуда кучли ҳисобланувчи камаргалар 25 йилгача умр кўради. Бу ярим ёввойи ҳайвонлар учун ажойиб кўрсаткич. Камаргулар эркин тўда шаклида ҳаёт кечиради, миллий боғ ҳудудида уларнинг 30 га яқини мавжуд.
Изоҳ (0)