General Motors sobiq vitse-prezidenti Bob Luts CNBC telekanaliga bergan intervyusida Tesla zarar keltiradigan korxona ekanligini, va u 2019-yilgacha yashashi amri mahol ekanligini aytdi, deb yozadi “Motor”.
Shuningdek, Luts kompaniyada hech qanaqa “sirli qayla” yo‘qligini, u boshqa ishlab chiqaruvchilar kabi litiy-ionli akkumulyatorlarni ishlatishini ta’kidladi.
Semi shatakchisi va yangi avlod Roadster ikki eshikli avtomobili taqdimoti — qo‘shimcha moliyaviy resurslarni jalb qilishga urinishdan boshqa narsa emas, deb hisoblaydi Luts. Kompaniya kapitalini tezkorlik bilan sarflayotgani u 2019-yilgacha yashamasligi sabablaridan biridir.
Boshqa sabablar sifatida top-menejer Model 3 ni ishlab chiqarishdagi kechikishlar, Model S va Model X savdosi sur’atlarining sekinlashishi, shuningdek, Tesla joriy yilning uchinchi choragida namoyon qilgan rekord darajadagi zararni aytib o‘tdi.
Izoh (0)