Germaniya avtomobil ishlab chiqaruvchilari 1980—90-yillarda mashinaning yo‘lovchi o‘tiradigan tomonida joylashgan yon oynalarni kichikroq o‘lchamda ishlab chiqarishni yo‘lga qo‘ygan. Mercedes-Benz, BMW va Audi bu kabi usuldan foydalangan. Bunga sabab iqtisodiy tejamkorlik emas. “PopMech” buning sababiga oydinlik kiritdi.
Ma’lum bo‘lishicha, Yevropa ko‘chalari, ayniqsa eski shaharlaridagi dahalarning ko‘chalari ko‘pincha juda tor bo‘lgan va u yerga kirgan avtomobil ko‘p joyni egallab qo‘ygan. Shunda nemislar avtomobilning yo‘lovchi o‘tiradigan qismida joylashgan yon oynalar kuzovdan tashqariga chiqmasligini hamda haydovchiga yon tomoni bilan devorga iloji boricha yaqinroq harakatlana olishiga yordam beruvchi yechimni o‘ylab topgan.
Agarda ko‘chada trotuar bo‘lsa, o‘ng tarafga o‘rnatilgan kichik o‘lchamdagi oyna piyodalarning mashinaga tasodifan urilib ketish xavfini kamaytirgan. Shunday qilib bu turdagi yon oynalar 1980-90-yillarda nemis avtomobilsozlari tomonidan ishlab chiqarilgan. Keyinchalik esa korpusga sharlar o‘rnatilgan, bu esa zarur vaqtda yon oynani yopib qo‘yishga yordam beradi.
Izoh (0)