Suriya hukumat kuchlari o‘z ittifoqdoshlari bilan IShIDning so‘nggi muhofazasi bo‘lgan Abu-Kamol shahriga zarba bera boshladi, deb xabar beradi “RIA Novosti”.
Suriya otryadi shaharning janubi-g‘arbiy chegaralariga mustahkam o‘rnashib olgan.
“IShID jangarilari harbiylarga bir — uch kilometr masofadan tankka qarshi boshqariladigan raketa va portlovchi uskuna o‘rnatilgan mashinalarni boshqarayotgan xudkushlar yordamida hujum qilmoqda”, — deyiladi xabarda.
Suriya hukumati 8-noyabr kuni Abu-Kamoldan IShIDni quvib chiqargani haqida ma’lum qilgan edi, biroq keyinchalik shaharga hali hujum boshlanmaganini isbotlovchi dalillar paydo bo‘lgan edi.
Abu-Kamol IShIDning Suriyadagi so‘nggi yirik muhofazasi hisoblanadi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)