Iordaniyalik fuqaro Muhammad Al-Malahim o‘zining Volkswagen “Qo‘ng‘iz”ini mini-mehmonxonaga aylantirdi. Shunday qilib u o‘zi tug‘ilib o‘sgan Al-Jaya qishlog‘iga odamlar e’tiborini jalb qilish niyatida. Bu haqda CNN’ga tayanib, “Motor” xabar berdi.
Al-Malahimning ikki o‘rindiqli “Qo‘ng‘iz”ida bir kechani o‘tkazish 40 iordan dinori (56 dollar) turadi. Avtomobilni jihozlashda Al-Malahimning qizi unga yordam bergan: u yopinchiqlar, yostiqlar tikib bergan va ularni an’anaviy naqshlar hamda turli taqinchoqlar bilan bezatgan.
Mehmonxona egasi “Qudduslik Balduin I” sharafiga nomlangan g‘orda qabulxona tashkil etgan. Mehmonlar u yerda qahva ichishlari va an’anaviy iordan taomlaridan iste’mol qilishi mumkin. Shuningdek, uning yaqinida suvenirlar do‘koni bo‘lib, u yerda Muhammad mis va qimmatbaho toshlardan ishlangan turli zargarlik buyumlarini sotadi.
Izoh (0)