BAAning Dubay shahrida bo‘lib o‘tayotgan avtosalonda bir qator hashamdor avtomobillar namoyish etilmoqda. Autonews shouda taqdim etilayotgan avtomobillardan iborat jamlanma tayyorladi.
Chevrolet Corvette ZR1
Eng yuqori tezligi soatiga 340 kilometr bo‘lgan ulovning quvvati 750 ot kuchiga teng. Uch soniyadan kamroq vaqtda 100 km/soat tezlikka erishadigan avtomobil 2018-yilning bahoridan 120 ming dollardan qimmatroq narxda sotuvga chiqariladi.
Infiniti QX80
Joriy yilning oxirigacha savdoga chiqishi kutilayotgan yo‘ltanlamasning quvvati 405 ot kuchiga teng.
Devel Sixteen
Avtomobil yaratuvchilarining so‘zlariga ko‘ra, ular dunyodagi eng kuchli avtomobilni yaratmoqda, unig quvvati 5000 ot kuchiga teng. Namoyish etilgan mashinaning uzunligi 5,3 metr, og‘irligi 2,3 tonnani tashkil qiladi. Ulov 16 silindrli va 12,3 litr sig‘imli dvigatel bilan jihozlangan.
W Motors Fenyr SuperSport
Eng yuqori tezligi soatiga 400 kilometr bo‘lgan mashina birinchi 100 kilometrli tezlikka 2,7 soniyada erishadi.
Dodge Challenger Hellcat Widebody
Quvvati 707 ot kuchiga teng ulov to‘rt soniyadan kamroq vaqtda 100 km/soat tezlkka erishadi.
Jaguar XE SV Project 8
Eng tezkor Jaguar hisoblanayotgan avtomobilning quvvati 600 ot kuchiga teng. 100 km/soat tezlikka 3,7 soniyada erishadigan avtoulovning eng yuqori tezligi soatiga 322 kilometrni tashkil qiladi.
Ford Mustang
Smartfon yordamida boshqarish funksiyasi va xavfsizlikning radar tizimi to‘plami bilan jihozlangan avtomobil 10 ta darajali avtomat tezlik uzatish qutisiga ega.
Izoh (0)