13-noyabr kuni BuzzFeed nashri xodimi Rayan Broderik kinoteatrdan qisqa videoni tasvirga oldi: ekranda “Pokemon” anime-serialining qahramonlari — Esh Ketchum va Pikachu tasvirlangan. Sahnada ikki qahramonning o‘zaro dialogi mavjud — unda Pikachu birinchi bor o‘z ismini aytmasdan mazmunli iborani tilga oldi. Shu bilan birga, “hamyon maxluqi” yapon tilida emas, inglizchada fikr bildirgan, deb xabar berdi TJournal.
Esh: Pikachu nega sen pokebolga kirishni xohlamading?
Pikachu: Chunki… men doim sen bilan birga bo‘lishni istayman.
Gapiradigan Pikachu tasvirlangan sahna “Pokemon filmi: Men seni tanlayman” to‘liq metrajli filmi lentasining bir qismi bo‘lib chiqdi. Kartina 15-iyul kuni Yaponiyada ekran yuzini ko‘rgan bo‘lib, AQShdagi katta ekranlarda 5-noyabrdan namoyish etilmoqda.
Hi, I am just learning that Pikachu speaks English in the new Pokemon movie and, yes, it is extremely fucking weird pic.twitter.com/k5hm5lyW7Y
— Ryan Broderick (@broderick) November 13, 2017
Pikachuga ovoz bergan Keyt Bristolning taxmin qilishicha, pokemon odamlarga o‘xshab aslida emas, balki Eshning “boshida” gapirgan. Shu bilan birga, u “buni har kim o‘zi uchun mustaqil hal qilishini” taklif etgan. Bristol o‘zini “besh soniya bo‘lsa-da” Pikachudek his qilganidan xursand ekanligini ta’kidlagan.
Mavzuga doir: “Daryo” bilan ingliz tilini o‘rganamiz! (23-dars)
Izoh (0)