13 ноябрь куни BuzzFeed нашри ходими Райан Бродерик кинотеатрдан қисқа видеони тасвирга олди: экранда «Покемон» аниме-сериалининг қаҳрамонлари — Эш Кетчум ва Пикачу тасвирланган. Саҳнада икки қаҳрамоннинг ўзаро диалоги мавжуд — унда Пикачу биринчи бор ўз исмини айтмасдан мазмунли иборани тилга олди. Шу билан бирга, «ҳамён махлуқи» япон тилида эмас, инглизчада фикр билдирган, деб хабар берди TJournal.
Эш: Пикачу нега сен покеболга киришни хоҳламадинг?
Пикачу: Чунки… мен доим сен билан бирга бўлишни истайман.
Гапирадиган Пикачу тасвирланган саҳна «Покемон фильми: Мен сени танлайман» тўлиқ метражли фильми лентасининг бир қисми бўлиб чиқди. Картина 15 июль куни Японияда экран юзини кўрган бўлиб, АҚШдаги катта экранларда 5 ноябрдан намойиш этилмоқда.
Hi, I am just learning that Pikachu speaks English in the new Pokemon movie and, yes, it is extremely fucking weird pic.twitter.com/k5hm5lyW7Y
— Ryan Broderick (@broderick) November 13, 2017
Пикачуга овоз берган Кейт Бристолнинг тахмин қилишича, покемон одамларга ўхшаб аслида эмас, балки Эшнинг «бошида» гапирган. Шу билан бирга, у «буни ҳар ким ўзи учун мустақил ҳал қилишини» таклиф этган. Бристоль ўзини «беш сония бўлса-да» Пикачудек ҳис қилганидан хурсанд эканлигини таъкидлаган.
Мавзуга доир: «Дарё» билан инглиз тилини ўрганамиз! (23-дарс)
Изоҳ (0)