Одилхон Рустамов Тошкент вилояти ҳокимининг саноатни ривожлантириш, иқтисодиёт ва тадбиркорлик масалалари бўйича биринчи ўринбосари этиб тайинланди. UZ24 хабарига кўра, Рустамовга қадар бу лавозимда Маҳмуд Абдураҳмонов ишлаган.
Одилхон Рустамов 2001—2005 йилларда Тошкент шаҳар Чилонзор, Учтепа туманлари давлат солиқ инспекцияларига раҳбарлик қилган.
2005—2009 йилларда Тошкент шаҳар давлат солиқ бошқармаси бошлиғи ўринбосари, Хоразм ва Жиззах вилояти давлат солиқ бошқармалари бошлиғи лавозимларида ишлаган.
Одилхон Рустамов 2009 йил мартидан 2016 йил мартига қадар Давлат солиқ қўмитаси раиси ўринбосари лавозимида ишлаган. 2016—2017 йилларда «Ўзбекозиқовқатхолдинг» холдинг компаниясига раислик қилган.
У 2017 июлидан Тошкент шаҳрининг Шайхонтоҳур туманига ҳокимлик қилаётган эди.
Изоҳ (0)