ASUS kompaniyasi biryo‘la ikkita — 14 dyuymli displeyli UX430 va 15,6 dyuymli UX530 noutbuklarini taqdim etdi, deb yozadi “Hi-tech.mail.ru”. ZenBook lineykasidagi yangi noutbuklar an’anaviy dizaynda ishlangan — ustiga firmaga xos aylana naqsh tushirilgan metall korpus bilan ta’minlangan.
Yangi lineykadagi kichik model — ZenBook UX430 juda ixcham korpusga ega bo‘ldi. U ko‘k, kulrang, tillarang va pushti korpuslarda chiqariladi. Unda shisha qoplamali tachpad, barmoq izi skaneri va yoritilib turiladigan klaviatura bor. Akkumulyatori 9 soat davomida ishlashga yetadi.
Unga uchinchi avlod Intel Core i3-7100U / i5-7200U / i7-7500U protsessori o‘rnatilgan. 16 gigabaytgacha tezkor va 128/256/512 Gb doimiy xotira bilan jihozlangan. O‘lchamlari 324×225×15,9 mm, og‘irligi 1,25 kilogrammga teng.
Noutbuk Rossiyada 45 990 rubldan sotuvga chiqariladi.
ZenBook UX530 esa shunchaki kichik modelning kattalashtirilgan versiyasidir. U faqat ko‘k va kulrang tuslarda chiqariladi. O‘lchamlari 360×246×16,9 mm, og‘irligi 1,63 kilogrammga teng. Uning narxi Rossiyada 64 990 rubldan boshlanadi.
Izoh (0)