ASUS компанияси бирйўла иккита — 14 дюймли дисплейли UX430 ва 15,6 дюймли UX530 ноутбукларини тақдим этди, деб ёзади «Hi-tech.mail.ru». ZenBook линейкасидаги янги ноутбуклар анъанавий дизайнда ишланган — устига фирмага хос айлана нақш туширилган металл корпус билан таъминланган.
Янги линейкадаги кичик модель — ZenBook UX430 жуда ихчам корпусга эга бўлди. У кўк, кулранг, тилларанг ва пушти корпусларда чиқарилади. Унда шиша қопламали тачпад, бармоқ изи сканери ва ёритилиб туриладиган клавиатура бор. Аккумулятори 9 соат давомида ишлашга етади.
Унга учинчи авлод Intel Core i3-7100U / i5-7200U / i7-7500U процессори ўрнатилган. 16 гигабайтгача тезкор ва 128/256/512 Гб доимий хотира билан жиҳозланган. Ўлчамлари 324×225×15,9 мм, оғирлиги 1,25 килограммга тенг.
Ноутбук Россияда 45 990 рублдан сотувга чиқарилади.
ZenBook UX530 эса шунчаки кичик моделнинг катталаштирилган версиясидир. У фақат кўк ва кулранг тусларда чиқарилади. Ўлчамлари 360×246×16,9 мм, оғирлиги 1,63 килограммга тенг. Унинг нархи Россияда 64 990 рублдан бошланади.
Изоҳ (0)