Checheniston rahbari Ramzan Qodirov Ukrainada chechen batalyoni yo‘qligini aytdi. Shuningdek, u Kiyev viloyatida o‘ldirilgan Amina Okuyevaning Chechenistonga va chechen xalqiga aloqador emasligini ta’kidladi. Bu haqda u o‘z Telegram-kanalida ma’lum qildi.
“Ukraina siyosatchilari va deputatlari Natalya Viktorovna Nikiforova (Amina Okuyevaning haqiqiy ism-sharifi) haqida doim banderovchilar tomonida turib jang qiluvchi chechen ayol sifatida gapirardi. Ammo uning na Chechenistonga, na chechen xalqiga aloqasi borligini hamma juda yaxshi bilardi”, — deb yozdi respublika rahbari. Qodirovning so‘zlariga ko‘ra, “Kiyevdagilar Nikiforovani o‘z (ya’ni ukrain) maxsus xizmatlari shafqatsiz tarzda otib tashlaganini juda yaxshi biladi”.
Bundan tashqari, Checheniston rahbari “Ukrainada ‘chechen batalyoni’ hech qachon bo‘lmagani va hozir ham yo‘qligi”ni qayd etdi.
Eslatib o‘tamiz, 30-oktabr kuni Kiyev viloyatidagi Glevaxa qishlog‘i yaqinida temir yo‘lni kesib o‘tish joyida Putinga suiqasd uyushtirgan Adam Osmayev va uning rafiqasi Amina Okuyeva o‘tirgan avtomobil noma’lum kimsalar tomonidan o‘qqa tutildi. Okuyeva voqea joyida halok bo‘ldi.
Izoh (0)