Чеченистон раҳбари Рамзан Қодиров Украинада чечен батальони йўқлигини айтди. Шунингдек, у Киев вилоятида ўлдирилган Амина Окуеванинг Чеченистонга ва чечен халқига алоқадор эмаслигини таъкидлади. Бу ҳақда у ўз Telegram-каналида маълум қилди.
«Украина сиёсатчилари ва депутатлари Наталья Викторовна Никифорова (Амина Окуеванинг ҳақиқий исм-шарифи) ҳақида доим бандеровчилар томонида туриб жанг қилувчи чечен аёл сифатида гапирарди. Аммо унинг на Чеченистонга, на чечен халқига алоқаси борлигини ҳамма жуда яхши биларди», — деб ёзди республика раҳбари. Қодировнинг сўзларига кўра, «Киевдагилар Никифоровани ўз (яъни украин) махсус хизматлари шафқатсиз тарзда отиб ташлаганини жуда яхши билади».
Бундан ташқари, Чеченистон раҳбари «Украинада ‘чечен батальони’ ҳеч қачон бўлмагани ва ҳозир ҳам йўқлиги»ни қайд этди.
Эслатиб ўтамиз, 30 октябрь куни Киев вилоятидаги Глеваха қишлоғи яқинида темир йўлни кесиб ўтиш жойида Путинга суиқасд уюштирган Адам Осмаев ва унинг рафиқаси Амина Окуева ўтирган автомобиль номаълум кимсалар томонидан ўққа тутилди. Окуева воқеа жойида ҳалок бўлди.
Изоҳ (0)