Aksariyat amerikaliklar joriy davrni mamlakat tarixidagi eng yomoni deb atadi

AQSh aholisining 59 foizga yaqini Amerika eng yomon davrni boshdan kechirmoqda, deb hisoblaydi. Bu haqda Amerika psixologiya assotsiatsiyasining so‘rovi natijalariga tayanib, “Interfaks” xabar berdi. Shuningdek, so‘rovda qatnashganlarning 63 foizi ularni mamlakatning kelajagi tashvishga solayotganini ma’lum qilgan.

So‘rov ma’lumotlariga ko‘ra, Demokratk partiya tarafdorlarining 73 foizi, Respublika partiyasi tarafdorlarining 56 foizi va ikkala partiyaga aloqador bo‘lmaganlarning 59 foizi ham shunday fikrda,

Shuningdek, so‘rov ishtirokchilarining 60 foizini hozirgi vaqtda AQShda jamiyatning bo‘linishi oqibatlari xavotirga solmoqda. Shu bilan bir vaqtda, so‘rovda javob berganlarning 51 foizi yuzaga kelgan vaziyatni yaxshilash uchun o‘zining beminnat hissasini qo‘shishga tayyorligini bildirgan.

So‘rov 2—31-avgust kunlari o‘tkazilgan bo‘lib, unda 3440 kishi ishtirok etgan.