AQShda 2017-yilning may oyida Donald Tramp atrofidagilarning Rossiya bilan aloqasi yuzasidan tergov boshlandi. Iyul oyida FQB Trampning saylovoldi kampaniyasi tarkibiga kirgan sobiq maslahatchisi Jorj Papadopulosni hibsga oldi. 30-oktabrda Papadopulos FQBga yolg‘on ko‘rsatma berganini tan oldi, deb yozmoqda Meduza.
G‘azabga tushgan Twitter foydalanuvchilari Papadopulosning akkauntini izlab topdi va uni haqorat qila boshladi. Biroq bu akkauntning egasi Jorj Papadopulos emas edi. Amerikaliklar Trampning sobiq maslahatchisini uning adashi — michiganlik moliyaviy konsultant bilan adashtirib yubordi. Konsultant Papadopulosning qariyb 10 mingta kuzatuvchisi bo‘lib, uning akkauntida tekshiruvdan o‘tganligi haqida belgi bor.
Michiganlik Papadopulos bu tariqa mashhurlikka erishish haqida o‘ylamaganini ma’lum qilgan. Konsultant haqoratlarga javoban, Trampning maslahatchisi emasligini, ayni vaqtda Gretsiyaga onasini ko‘rgani borganini aytgan. Shuningdek, u bunday haqoratli xabarlarni to‘xtatishni so‘ragan.
Izoh (0)