AQSHda 2016-yilgi prezidentlik saylovlari doirasida Donald Trampning Rossiya bilan aloqalari yuzasidan olib borilgan tergovga oid bir qator maxfiy hujjatlar topildi. Ular Federal qidiruv byurosining sirli xonasida “yoqish uchun mo‘ljallangan qoplar” ichida bo‘lgan. Bu haqda manbalarga tayanib Fox News Digital xabar berdi.
Hujjatlardan birida AQSH sobiq maxsus prokurori Jon Daremning hisobotiga ilova qilingan maxfiy ma’lumot bo‘lgan. Darem 2023-yilda Federal qidiruv byurosi Trampning Rossiya bilan aloqalari bo‘yicha tergovda o‘ziga xos bo‘lmagan tarzda ish yuritganini aytgandi.
Maxfiy ilovaning oshkor etilishi AQSH hukumatida Trampning Rossiya bilan aloqalari haqidagi shov-shuvni kuchaytirish orqali Hillari Klintonning saylovoldi kampaniyasiga yordam berish bo‘yicha muvofiqlashtirilgan reja mavjud bo‘lgani haqidagi da’voga ishonchni oshiradi, dedi manba.
Hujjatlar Senatga topshirildi
Minglab hujjatlar bilan to‘ldirilgan va yoqib yuborilishi rejalashtirilgan bir nechta qop topilgan. Federal qidiruv byurosi direktori Kesh Patel bu qog‘ozlarni AQSH Kongressi senati yuridik qo‘mitasi raisi Chak Grassliga topshirgan.
Trampning Obamaga qarshi ayblovlari va 2016-yilgi saylovlar
Tramp sobiq prezident Barak Obamani davlatga xiyonatda ayblagan. U buni ikki hafta oldin e’lon qilingan AQSH Milliy razvedkasi direktori Tulsi Gabbrdning hisoboti bilan asoslagan.
Gabbrdga ko‘ra, Obama va uning yaqin hamkorlari 2016-yilgi saylovlarga Rossiya aralashgani haqidagi razvedka ma’lumotlarini “soxtalashtirgan va siyosiylashtirgan”. Ularning maqsadi Demokratik partiyaning mag‘lubiyatidan keyin Rossiyani “kiberhujumlarda aybdor qilib ko‘rsatish” bo‘lgan.
Ta’kidlanishicha, “Rossiya Trampga yordam bergani” haqidagi yolg‘on axborot aslida o‘sha vaqtdagi boshqa razvedka baholariga zid bo‘lgan. Chunki o‘sha prognozlarga “Rossiyaning AQSH saylovlariga aralashish niyati ham, imkoniyati ham yo‘qligi” aytilgan edi.
Obamaning hibsga olinishi haqidagi sun’iy intellekt videosi
Yuqoridagi ayblovlar fonida Donald Tramp sun’iy intellekt (SI) yordamida yaratilgan rolikni e’lon qilgan edi. Unda sobiq prezident Barak Obamani Federal qidiruv byurosi agentlari Oval kabinetda qo‘llariga kishan solib hibsga olishayotgani tasvirlangan. So‘ngra Obama AQSHda mahbuslar kiyadigan to‘q sariq kombinezonda panjara ortida ko‘rsatilgan.
Izoh (0)