Suriya hududida IShIDning 7 ming nafargacha bo‘lgan jangarisi qolayotgan bo‘lishi mumkin. AQSh boshchiligidagi koalitsiya maxsus operatsiyalar kuchlari qo‘mondoni Jeyms Jerrard shunday hisoblamoqda, deya xabar beradi “RIA Novosti”.
“Bunga katta ishonchim yo‘q, biroq Frot vodiysi, Dayr az-Zor quyi va yuqori qismi, chegara — Iroqning al-Qayumigacha bo‘lgan hududda qolayotgan uch-yetti ming IShID jangarisi haqida gapirish mumkin”, — dedi Jerrard.
Ma’lumot uchun, turli vaqtlarda Suriyadagi IShID jangarilari soni 25-35 ming kishi atrofida baholangan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)