Kaliforniyadagi maktabda o‘qituvchini garovga olgan erkakka qarata o‘q uzildi

AQShning Kaliforniya shtatidagi boshlang‘ich maktabda o‘quvchilardan birining otasi o‘qituvchini garovga oldi. Bu haqda “RBK” xabar bermoqda.

Hodisa Riversayd shahridagi “Kasl Vyu” maktabida yuz berdi. Sinf xonasida o‘qituvchi va o‘quvchilardan birining otasi qamalib qolgan. Shundan so‘ng maktabning boshqa xodimlari va o‘quvchilar evakuatsiya qilingan. Politsiya erkakka qarata o‘q uzgan. U shifoxonaga yotqizilgan. Uning hozirgi ahvoli haqida ma’lumot berilmagan. Garovga olingan o‘qituvchi ham jarohat olmagan bo‘lsa-da, shifoxonaga yotqizilgan.

Erkak nima maqsadda o‘qituvchini garovga olgani noma’lum.

Ma’lumotlarga ko‘ra, erkak maktab qorovuliga tan jarohati yetkazib binoga kirib olgan.