KXDR atrofidagi vaziyat AQSh prezidenti Donald Trampning Xitoyga bo‘lg‘usi tashrifi chog‘ida asosiy mavzu bo‘ladi. Bu haqda Xitoyning Vashingtondagi elchisi Suy Tyankay ma’lum qildi, deb yozadi “TASS”.
Matbuot bilan muloqot qilar ekan, diplomat Pekin butun Koreya yarim oroli yadrosizlanishi tarafdori ekanligini ta’kidladi. Uning so‘zlariga ko‘ra, bu masalada iloji boricha tezroq progressga erishish zarurligi haqida tushuncha bor. Elchi, shuningdek, Xitoy tinch yechimga olib keladigan “har qanday muzokaralar” uchun ochiq ekanligini qayd etdi.
Tramp 3—14-noyabr kunlari Osiyo bo‘ylab turnega chiqadi va Yaponiya, Koreya Respublikasi, Xitoy, Vyetnam, Filippinga tashrif buyuradi.
Izoh (0)