Jurnalist va xonanda Yekaterina Gordon Rossiya prezidentligiga saylovda ishtirok etish istagidagi fuqarolar ro‘yxatiga qo‘shildi, deb yozadi “TASS”.
O‘zini yolg‘iz onalar va bolalar himoyachisi deb ta’riflayotgan Gordonning videomurojaati YouTube’da e’lon qilindi.
“Mening ismim Yekaterina Gordon. Yoshim 37 da. Men o‘z huquqimdan foydalangan holda Rossiya prezidentligiga nomzodimni qo‘ymoqchiman”, — deydi u o‘z murojaatida.
Gordon ikki farzandning onasi va o‘n yillik tajribaga ega jurnalist hamda besh yildan beri ayollar va bolalar huquqlarini himoya qilayotgan xususiy yuridik kompaniya egasi ekanligini ta’kidlaydi.
“Men o‘z tajribamdan sud tizimi qanday ishlashi, ayollar bolalarni yakka o‘zi katta qilishi, erkaklar esa mas’uliyatdan qochishini bilaman”, — deydi jurnalist.
U shuningdek, prezidentlik saylovida “huquqlari poymol qilingan ayollar uchun ovoz” bo‘lish maqsadida ishtirok etayotganini ta’kidladi.
Izoh (0)