Журналист ва хонанда Екатерина Гордон Россия президентлигига сайловда иштирок этиш истагидаги фуқаролар рўйхатига қўшилди, деб ёзади «ТАСС».
Ўзини ёлғиз оналар ва болалар ҳимоячиси деб таърифлаётган Гордоннинг видеомурожаати YouTube’да эълон қилинди.
«Менинг исмим Екатерина Гордон. Ёшим 37 да. Мен ўз ҳуқуқимдан фойдаланган ҳолда Россия президентлигига номзодимни қўймоқчиман», — дейди у ўз мурожаатида.
Гордон икки фарзанднинг онаси ва ўн йиллик тажрибага эга журналист ҳамда беш йилдан бери аёллар ва болалар ҳуқуқларини ҳимоя қилаётган хусусий юридик компания эгаси эканлигини таъкидлайди.
«Мен ўз тажрибамдан суд тизими қандай ишлаши, аёллар болаларни якка ўзи катта қилиши, эркаклар эса масъулиятдан қочишини биламан», — дейди журналист.
У шунингдек, президентлик сайловида «ҳуқуқлари поймол қилинган аёллар учун овоз» бўлиш мақсадида иштирок этаётганини таъкидлади.
Изоҳ (0)