AQSh sobiq prezidenti Barak Obama Oval kabinet stolidagi “qizil tugma”dan choy buyurtma qilish uchun foydalangan. Bu haqda Virgin Group xoldingi egasi Richard Brenson Finding my Virginity nomli kitobida ma’lum qildi, deya xabar beradi “Korrespondent.net”.
Biznesmen Oq uyga tashriflaridan biri haqida hikoya qildi. U prezident stolidagi “qizil tugma”ga e’tibor qaratdi.
“Obama nigohimni payqadi va ‘ilgari bunday tugmalar favqulodda vaziyatlarda ishlatilardi. Hozirda esa uning yordamida mehmonlar uchun choy buyurtma qilaman’ dedi, — ta’kidladi Brenson.
Oldinroq amerikalik jurnalistlar Donald Tramp “qizil tugma”dan o‘ziga gazli ichimlik buyurtma qilish uchun foydalanishini aniqlagandi.
Izoh (0)