AQSh milliy xavfsizlik vazirligi: IShID “yangi 11-sentabr”ni uyushtirishni ko‘zlamoqda

IShID terrorchilari 2001-yil 11-sentabrdagi kabi yirik teraktni amalga oshirish niyatida. Bu haqda AQSh milliy xavfsizlik vaziri vazifasini bajaruvchi Eleyn Dyuk ma’lum qildi, deya xabar beradi “Gazeta.ru”.

AQShning Londondagi elchixonasidagi chiqishi davomida u hozirda IShID jangarilarida “oraliq davr” kechayotgani, biroq ular keng ko‘lamli hujumni rejalashtirayotganini bildirdi.

Dyukka ko‘ra, jangarilar qurbonlar ko‘p bo‘ladigan samolyot halokatini uyushtirishni ko‘zlagan.

“Terrorchi tashkilotlar — IShID bo‘ladimi yoki boshqasi, 11-sentyabrdagi kabi katta portlashni tashkil etmoqchi. Ular samolyot halokatini uyushtirish niyatida, razvedkaning bunga ishonchi komil”, — ta’kidladi Eleyn Dyuk.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.