Toshkentdagi Xalqaro Vestminster universitetida Yoshlar ittifoqi yetakchilari uchun seminar bo‘lib o‘tmoqda

O‘zbekiston Respublikasi Xalq ta’limi vazirligi tashabbusi bilan O‘zbekiston Yoshlar ittifoqi hamda Toshkent Xalqaro Vestminster universiteti hamkorligida yoshlar yetakchilari uchun ilk marotaba innovatsion seminar treninglar tashkil etildi. Bu haqda Toshkent Xalqaro Vestminster universiteti axborot xizmati xabar bermoqda.

16-oktabr kuni Respublikaning barcha hududlaridan kelgan 28 nafar yoshlar yetakchilari uchun ilk seminarlar bo‘lib o‘tdi.

Loyihada Xalq ta’limi vaziri o‘rinbosari Alisher Sa’dullayev ishtirok etdi.

Treninglarni malakali, xalqaro toifadagi trenerlar olib bordi. Seminardan so‘ng ishtirokchilar bilan Toshkent shahridagi madaniy-ko‘ngilochar komplekslarga sayohat uyushtirildi.