Checheniston rahbari Ramzan Qodirov o‘zining Buxoroga tashrifini Bahouddin Naqshband me’moriy majmuini ziyorat qilishdan boshlagani haqida avvalroq xabar berilgandi.
Shuningdek, Ramzan Qodirov Mir Arab Oliy madrasasida bo‘ldi va bu yerda yaratilgan sharoitlar bilan tanishdi, toliblar bilan suhbatlashdi.
“Telegraf.uz”ning yozishicha, Oliy madrasaning rektori Haydarxon Yo‘ldoshxo‘jayev Ramzan Qodirov Mir Arab madrasasining talabalari qatoriga qabul qilinganini tantanali ravishda e’lon qilgan.
Bundan tashqari, Checheniston rahbari otasi Ahmad hoji Qodirovning kursdoshlari bilan birga tushgan suratini ko‘rib juda xursand bo‘ldi.Shuning bilan Checheniston rahbari Ramzan Qodirovning O‘zbekistonga tashrifi nihoyasiga yetdi.
Izoh (0)