AQShning Nyu-Jersi shtatida yashovchi Jimmi Smit telekanallardan biridagi yangilikdan so‘ng eski ko‘ylagidan topilgan lotereya chiptasini tekshirib ko‘rishga qaror qildi va 24 million dollar yutib oldi. Bu haqda Forum Daily xabar bermoqda.
Smit chiptani amal qilish muddati yakunlanishiga ikki kun qolganda Nyu-Yorkda yutuqni olganini bildirdi.
Qo‘riqchilikdan nafaqaga chiqqan Jimmining aytishicha, Nyu-York va Nyu-Jersida 1960-yildan beri lotereya chiptalarini xarid qilib keladi. Biroq har doim yutgan yoki yo‘qligini tekshiravermaydi.
Bu gal Smit Manxettendagi oziq-ovqat do‘konidan chipta sotib olgandi. U ko‘pchilik kabi bir martalik emas, balki 26 yil mobaynida beriladigan to‘lovni tanladi.
Izoh (0)