Toshkent shahrining Sergeli tumanida 2016—2017-yillar rejasi asosida 4284 ta xonadondan iborat 102 ta zamonaviy ko‘p qavatli uy-joy qurish ishlari davom etmoqda. “Daryo” muxbiri qurilish maydonida bo‘lib, jarayon bilan tanishdi.
Uylar bilan bir qatorda maktablar, bolalar bog‘chalari, dam olish joylari, poliklinikalar, maydonchalar, avtomobil turar joylari, chiqindi yig‘ish punktlari qurilishi ham rejaga kiritilgan. Reja amalga oshirilgach, tumanda 30 ming aholi yangi xonadonlar bilan ta’minlanadi.
3-oktabr kuni Toshkent shahar hokimligida bo‘lib o‘tgan matbuot anjumanida shahar Arxitektura va qurilish bosh boshqarmasi boshlig‘i o‘rinbosari 2017-yilda Sergelida 9 qavatli uylar qurilmaganini kran yo‘qligi bilan izohlagan edi.
U, shuningdek, 2018-yildan Toshkentda 9, 12, 14 va 16 qavatli monolit uylar qurilishi boshlanishini ma’lum qilgan edi.
Izoh (0)