Тошкент шаҳрининг Сергели туманида 2016—2017 йиллар режаси асосида 4284 та хонадондан иборат 102 та замонавий кўп қаватли уй-жой қуриш ишлари давом этмоқда. «Дарё» мухбири қурилиш майдонида бўлиб, жараён билан танишди.
Уйлар билан бир қаторда мактаблар, болалар боғчалари, дам олиш жойлари, поликлиникалар, майдончалар, автомобиль турар жойлари, чиқинди йиғиш пунктлари қурилиши ҳам режага киритилган. Режа амалга оширилгач, туманда 30 минг аҳоли янги хонадонлар билан таъминланади.
3 октябрь куни Тошкент шаҳар ҳокимлигида бўлиб ўтган матбуот анжуманида шаҳар Архитектура ва қурилиш бош бошқармаси бошлиғи ўринбосари 2017 йилда Сергелида 9 қаватли уйлар қурилмаганини кран йўқлиги билан изоҳлаган эди.
У, шунингдек, 2018 йилдан Тошкентда 9, 12, 14 ва 16 қаватли монолит уйлар қурилиши бошланишини маълум қилган эди.
Изоҳ (0)