O‘zbekiston Prezidenti 12-sentabrda imzolagan “O‘zbekiston Respublikasi fuqaroligiga qabul qilish to‘g‘risida”gi farmoniga asosan Xorazm viloyatida doimiy yashab kelayotgan va O‘zbekiston fuqaroligini qabul qilish istagini bildirgan 51 kishiga O‘zbekiston fuqaroligi berildi. Bu haqda Xorazm viloyati IIB ma’lum qildi.
13-oktabr kuni ushbu fuqarolarga O‘zbekiston fuqarolik pasportlarini topshirishga bag‘ishlangan tantanali yig‘ilish bo‘lib o‘tdi.
Yig‘ilishda ishtirok etgan mutasaddi rahbarlar O‘zbekiston fuqaroligiga qabul qilingan ushbu shaxslarni tabriklab, ularning kelgusi hayotida baxt va omad tiladi.
Fuqarolikka qabul qilinganlar nomidan so‘zga chiqqan Nodira Masharipova O‘zbekiston fuqaroligiga qabul qilinganligidan benihoya xursandligini, ushbu kunni intiqib kutganligini, O‘zbekistonga xizmat qilish o‘zi uchun yuksak sharaf ekanligini, barchasi uchun Prezidentga o‘zi va yaqinlari nomidan minnatdorchilik bildirishini aytib o‘tdi.
Izoh (0)