2017/2018-o‘quv yilidan boshlab tibbiyot oliygohlarining davlat granti asosida o‘qigan bitiruvchilari propiska joyiga qarab qishlov vrachlik punktlari va oilaviy poliklinikalar bo‘ylab taqsimlanadi. Bu Vazirlar Mahkamasining 27-sentabrdagi “Tibbiyot kadrlarini tayyorlashni yanada takomillashtirish chora-tadbirlari to‘g‘risida”gi qarorida nazarda tutilgan, deb xabar beradi Uz24.
Bitiruvchilarni taqsimlash bilan sog‘liqni saqlash vazirligi qoshida tashkil etilgan komissiya tibbiyot kadrlariga bo‘lgan ehtiyoj haqidagi arizalar asosida shug‘ullanadi. Bitiruvchi belgilangan punktda uch yil ishlab berilishi lozim bo‘ladi.
Bakalavriatni tamomlab, magistratura yoki klinik ordinaturaga kirganlar o‘qish shaklidan (grant yoki shartnoma) qat’iy nazar propiska joyi bo‘yicha ishlab berilishi talab etiladi.
Majburiy ishlab berishdan bosh tortgan bitiruvchi davlat budjetiga eng kam oylik ish haqining 400 barobari miqdorida badal to‘laydi.
Bitiruvchilarga oliy ma’lumot to‘g‘risidagi diplomning originali uch yillik mehnatdan so‘ng mehnat daftarchasidagi yozuv asosida yoki badal to‘langanidan so‘ng topshiriladi.
Izoh (0)