Buyuk Britaniyaning Birmingem shahri mahalliy aholisi zargarlik do‘koniga tushgan o‘g‘rilarni toshbo‘ron qildi. Bu haqda “Korrespondent.net” xabar berdi.
Xabar berilishicha, to‘rt nafar noma’lum shaxs do‘kon egasi do‘konni tark etgan vaqtda u yerga o‘g‘rilikka tushgan. Shu vaqtda ulardan biri qo‘lida machete bilan eshik oldida qolgan, boshqalar esa do‘kondagi qimmatbaho buyumlarni o‘g‘irlagan.
Bu hodisa odamlarning diqqatidan chetda qolmadi. To‘rt daqiqadan so‘ng qo‘shni do‘konlar xodimlari, shuningdek o‘tkinchilar yig‘ildi. Jinoyatchilar guruhi o‘zlarining mashinasi tomon yo‘l olganda, odamlar faol harakatga o‘tdi va mashinaga tosh ota boshladi.
Biroq, odamlarning harakatlariga qaramasdan, o‘g‘rilar o‘marilgan qimmatliklar bilan qochib ketishga muvaffaq bo‘lgan.
Guvohlardan birining qayd etishicha, do‘kon egasi jarohatlangan. Shuningdek, o‘g‘rilarning avtomobilini to‘xtatishga uringan erkakning qo‘li biroz kesilgan.
Izoh (0)