Буюк Британиянинг Бирмингем шаҳри маҳаллий аҳолиси заргарлик дўконига тушган ўғриларни тошбўрон қилди. Бу ҳақда «Корреспондент.net» хабар берди.
Хабар берилишича, тўрт нафар номаълум шахс дўкон эгаси дўконни тарк этган вақтда у ерга ўғриликка тушган. Шу вақтда улардан бири қўлида мачете билан эшик олдида қолган, бошқалар эса дўкондаги қимматбаҳо буюмларни ўғирлаган.
Бу ҳодиса одамларнинг диққатидан четда қолмади. Тўрт дақиқадан сўнг қўшни дўконлар ходимлари, шунингдек ўткинчилар йиғилди. Жиноятчилар гуруҳи ўзларининг машинаси томон йўл олганда, одамлар фаол ҳаракатга ўтди ва машинага тош ота бошлади.
Бироқ, одамларнинг ҳаракатларига қарамасдан, ўғрилар ўмарилган қимматликлар билан қочиб кетишга муваффақ бўлган.
Гувоҳлардан бирининг қайд этишича, дўкон эгаси жароҳатланган. Шунингдек, ўғриларнинг автомобилини тўхтатишга уринган эркакнинг қўли бироз кесилган.
Изоҳ (0)