The New Yorker, Vogue, Vanity Fair, Architectural Digest va boshqa qator jurnallar xo‘jayini — Si Nyuxaus sifatida tanilgan Semyuel Irving Nyuxaus 89 yoshida vafot etdi, deb yozadi Meduza.
Nyuxausning matbuot kotibi ma’lum qilishicha, u o‘z uyida hayotdan ko‘z yumgan. Ammo u o‘lim sababiga aniqlik kiritmadi.
Si Nyuxaus va uning ukasi Donald nashriyot biznesini otalaridan meros qilib olgan va The New York Times yozishicha, uni AQShdagi eng yirik xususiy kompaniyalardan biriga aylantirgan. 2016-yilda Forbes jurnali Si Nyuxausning davlatini 13 milliard dollarga baholagan edi.
Donald Nyuxausning oilaviy biznesdagi javobgarlik sohasiga gazeta va telekanallar kirgan, Si Nyuxaus esa jiloli jurnallar bilan shug‘ullangan.
Si Nyuxaus, shuningdek, filantrop va zamonaviy san’at asarlari kolleksioneri sifatida mashhur bo‘lgan.
Izoh (0)