The New Yorker, Vogue, Vanity Fair, Architectural Digest ва бошқа қатор журналлар хўжайини — Си Ньюхаус сифатида танилган Сэмюэл Ирвинг Ньюхаус 89 ёшида вафот этди, деб ёзади Meduza.
Ньюхауснинг матбуот котиби маълум қилишича, у ўз уйида ҳаётдан кўз юмган. Аммо у ўлим сабабига аниқлик киритмади.
Си Ньюхаус ва унинг укаси Дональд нашриёт бизнесини оталаридан мерос қилиб олган ва The New York Times ёзишича, уни АҚШдаги энг йирик хусусий компаниялардан бирига айлантирган. 2016 йилда Forbes журнали Си Ньюхауснинг давлатини 13 миллиард долларга баҳолаган эди.
Дональд Ньюхауснинг оилавий бизнесдаги жавобгарлик соҳасига газета ва телеканаллар кирган, Си Ньюхаус эса жилоли журналлар билан шуғулланган.
Си Ньюхаус, шунингдек, филантроп ва замонавий санъат асарлари коллекционери сифатида машҳур бўлган.
Изоҳ (0)