Kataloniya hukumatining so‘nggi ma’lumotlariga ko‘ra, 1-oktabr — hudud mustaqilligi haqidagi referendum o‘tkazilgan kunda — politsiya bilan to‘qnashuvlar natijasida 844 kishi jabrlandi, deb yozadi Meduza.
Ispaniya ichki ishlar vairligi, o‘z navbatida, 19 nafar jabrlangan politsiya xodimlari va 14 nafar hibsga olingan norozilik aksiyasi ishtirokchilari haqida ma’lum qildi.
Ispaniya hukumati Kataloniya mustaqilligi haqidagi referendum o‘tkazilishini noqonuniy deb e’lon qildi. Politsiya saylov uchastkalarini yopish hamda saylov varaqalari va qutilarini musodara qilish orqali ovoz berishga yo‘l qo‘ymaslikka urindi. Natijada muxtoriyatning turli aholi punktlarida ommaviy aksiyalar avj olib ketdi.
Eslatib o‘tamiz, Kataloniya hukumatining rasmiy vakili Jordi Turul Barselonadagi matbuot anjumanida referendum ishtirokchilarining 90 foizi Ispaniyadan ajralib chiqish uchun ovoz berganini ma’lum qildi.
Izoh (0)