Kataloniya hukumatining rasmiy vakili Jordi Turul Barselonadagi matbuot anjumanida referendum ishtirokchilarining 90 foizi Ispaniyadan ajralib chiqish uchun ovoz berganini ma’lum qildi, deb yozadi “Kommersant”. Ovoz berishda jami 2,3 million kishi qatnashgan.
Turulning so‘zlariga ko‘ra, 2 million 20 ming 144 kishi Kataloniyaning Ispaniyadan ajralib chiqishini yoqlab, 176,565 ming kishi bunga qarshi ovoz bergan, 45,586 ta saylov varaqasi bo‘sh bo‘lib chiqqan, 20,129 tasi esa qonuniy kuchga ega emas deb topilgan.
“Bugun demokratiya g‘olib chiqdi”, — dedi Jordi Turul. Kataloniya tashqi ishlar vaziri Raul Romava, o‘z navbatida, Kataloniyadagi ovoz berish natijalari hudud aholisi fuqarolik pozitsiyasining “mutlaq salobati”ni ko‘rsatishini aytdi.
Izoh (0)