KXDRda 3,4 magnitudali zilzila sodir bo‘ldi. Xitoy seysmologiya markazining (CENC) ma’lum qilishicha, bunga portlash sabab bo‘lgan bo‘lishi mumkin, deb xabar berdi “RIA Novosti”.
Yer osti silkinishlari mahalliy vaqt bilan soat 16:29 da, 41,36 daraja shimoliy kenglik va 129,06 daraja sharqiy uzunlikda sodir bo‘lgan.
Ta’kidlanishicha, zilzila o‘chog‘i Yer yuzasida bo‘lgan.
Shuningdek, Janubiy koreyalik seysmologlar ham KXDRning Kilchu hududida (yadro poligoni yaqinida) 3,0 magnitudali yer qimirlashini qayd etgan. Biroq Janubiy Koreya ushbu yer silkinishi yadroviy sinovlarga bog‘liq bo‘lmasdan tabiiy ekanligini taxmin qilmoqda.
KXDR 3-sentabr kuni qit’alararo ballistik raketalarga o‘rnatiladigan vodorod bombasi kallagining sinovi muvaffayatli yakunlanganini ma’lum qilgandi. Seul va Tokioning baholashicha, ushbu bombaning quvvati 160 kilotonnaga teng.
Shu bilan birga, Pxenyan AQSh prezidenti Donald Trampning tahdididan so‘ng, javob tariqasida Tinch okeanida vodorod bombasining yangi sinovlarini o‘tkazishi ehtimoldan xoli emas.
Izoh (0)