Atlantika okeanida shakllangan “Xarvi”, “Irma” va “Mariya” to‘fonlari, shuningdek, Janubiy Osiyodagi toshqinlar iqlim o‘zgarishlariga qarshi tezkor choralar ko‘rish zarurligidan dalolat beradi. Bu haqda BMT bosh kotibi Antoniu Guterrish Nyu-Yorkda davlat rahbarlari darajasidagi yig‘ilish davomida ma’lum qildi, deya xabar beradi “TASS”.
“Xarvi’, ‘Irma’ va ‘Mariya’ to‘fonlari, shuningdek, Janubiy Osiyodagi keng miqyosli toshqinlar nega zudlik bilan iqlim o‘zgarishiga qarshi kurashish zarurligini ko‘rsatuvchi oxirgi yaqqol dalillardir. Bunday holatlar tez-tez va shiddatli tarzda takrorlanib turadi hamda jiddiy gumanitar, iqtisodiy oqibatlarga sabab bo‘ladi”, — dedi Guterrish.
Bosh kotibga ko‘ra, o‘tgan yili dunyoda 24 milliondan ortiq kishi tabiiy ofatlar tufayli qochoqqa aylandi. 1970-yildan beri ekstremal tabiat hodisalari soni 4 karra ko‘paydi.
Guterrish davlatlarni ekologik toza infrastrukturani rivojlantirishga chaqirdi. Oxirgi o‘n yillikda mazkur sektorga investitsiyalar hajmi salkam 300 milliard dollarga yetganini eslatdi.
Izoh (0)