Samarqandda Butunjahon radioaloqa anjumaniga tayyorgarlik ko‘rish bo‘yicha ishchi guruhi yig‘ilishi bo‘lib o‘tmoqda

Samarqand shahrida 11—15-sentabr kunlari Aloqa sohasidagi hududiy hamdo‘stlik tashkiloti tarkibiga kiruvchi, Radiochastota spektrini boshqarish, Radiouzatish bo‘yicha, shuningdek Radioaloqa assambleyasiga va Xalqaro Elektraloqa Ittifoqining Butunjahon radioaloqa anjumaniga tayyorgarlik ko‘rish bo‘yicha Ishchi guruhlarining yig‘ishilishi o‘z ishini boshladi. Bu haqda O‘zA xabar bermoqda.

Tadbirda Ozarbayjon, Armaniston, Belarus, Qozog‘iston, Qirg‘iziston, Rossiya va O‘zbekistondan, shu bilan birga, aloqa sohasidagi hududiy hamdo‘stlik tashkiloti ijrochi qo‘mitasi, Xalqaro Elektraloqa Ittifoqi, Xalqaro radiohavaskorlar kengashi, GSM (Global System for Mobile Communications) mobil aloqa assotsiatsiyasi hamda boshqa muassasalarning 80 dan ziyod mutaxassislari ishtirok etmoqda.