AQShda Burning Man festivalidagi ulkan gulxanga o‘zini otgan erkak halok bo‘ldi

Amerikalik Joel Mitchell Nevada shtatidagi Burning Man festivalida yonayotgan yog‘och haykal tomon sakrab, halok bo‘ldi. Bu haqda CNN xabar bermoqda.

Erkak qo‘riqlashning ikki safidan kuch bilan yorib o‘tgani va o‘zini yonayotgan san’at asariga tashlagani bildirilmoqda. O‘t o‘chiruvchilar uni alangadan tortib chiqishga urindi, biroq ularga installyatsiyaning qulayotgan qismlari xalaqit berdi.

Mitchell vertolyotda yaqin oradagi kasalxonaga olib borildi, biroq shifokorlar uning o‘lganini qayd etdi. Ular erkakning qonida alkogol aniqlanmaganini ma’lum qildi. Narkotiklar bo‘yicha test natijalari esa hozircha tayyor bo‘lgani yo‘q. 

Ma’lumot uchun, Burning Man Nevadadagi Blek-Rok sahrosida har yili o‘tkaziladi va unga qo‘yilgan zamonaviy san’at namunalari hamda festival timsoli — ulkan yog‘och odam tadbir yakunida yoqib yuboriladi.