Toshkent ko‘chalaridan 1-sentabr kuni Mustaqillik bayrami sharafiga bayroq ilingan avtomobillar karvoni o‘tdi. Bu haqda ijtimoiy tarmoqlarda, Telegram’dagi ommabop kanallarda videoxabarlar qoldirilgan.
Facebook’dagi “Voditeli Tashkenta” guruhida qoldirilgan xabarlarga ko‘ra, ba’zi ko‘chalarda bunday avtokarvonlar harakati yo‘l harakati xavfsizligi xizmati xodimlari tomonidan to‘xtatilgan.
Avvalroq Namangan shahri ko‘chalaridan bayroq ilingan avtomobillar karvoni o‘tgani haqida xabar berilgan edi. Namangandan olingan videolarda avtokarvon yo‘l harakati xavfsizligi xizmati avtomobillari hamrohligida harakat qilayotganini ko‘rish mumkin edi.
Izoh (0)