Toyota ikki haftadan so‘ng Frankfurtdagi avtosalonda taqdim qilinadigan modellari haqida ma’lum qildi. Ulardan biri kelgusi avlod Land Cruiser Prado bo‘ladi, deya xabar beradi “Motor”.
Yangi Prado haqida hozircha ma’lumot kam. Ishlab chiqaruvchiga ko‘ra, model rama konstruksiyasini saqlab qoladi va “egasini istalgan joyga olib boradi va qaytarib keladi”.
Iyun oyida yangi yo‘ltanlamas fotolari tarmoqda bo‘lgan va ulardan avtomobilning tashqi ko‘rinishi unchalik o‘zgarmagani haqida xulosa chiqarish mumkin edi. Jumladan, unda o‘zgacha yorug‘lik texnikasi va bamperlar, radiator panjarasi paydo bo‘ladi.
Shuningdek, mashina adaptiv yorug‘lik faralari va to‘qnashuvlardan ogohlantirish tizimlari bilan jihozlanadi.
Izoh (0)