Germaniyaning Gamburg shahrida davom etayotgan boks bo‘yicha 2017 yilgi jahon chempionati finalida 64 kilogrammgacha vazn toifasida o‘zbekistonlik Iqboljon Xoldorov kubalik Endi Krus Gomesga 0:5 hisobida imkoniyatni boy berdi.
Qayd etish joiz, Xoldorov finalga qadar kolumbiyalik Jon Guterrez, germaniyalik Artyom Arutyunyan va AQSh vakili Fredis Roxasni mag‘lub etgan edi. Xoldorov musobaqa yakuniga ko‘ra, kumush medal sohibiga aylandi.
Xoldorovga qadar 2-sentabr kuni o‘tkazilgan final janglari davomida Hasanboy Do‘stmatov (49 kilogrammgacha bo‘lgan vazn toifasida) va Jasur Latipov (52 kilogrammgacha bo‘lgan vazn toifasida) ham kubalik bokschilarga mag‘lub bo‘lib, kumush medal bilan kifoyalangan edi.
Mavzuga doir:— Ko‘z o‘rganmagan manzara: Mag‘lub Hasanboy— Boks, JCh—2017. Jasurbek Latipov ham finalda kubalik raqibiga imkoniyatni boy berdi
Izoh (0)